El paru ponse otra vegada nel 13%

L'institutu Nacional d'Emplegu ta acabante de dar anuncia de los datos del paru nel mes de xineru de 2.004. Xineru ye un mes nel que ye vezu que xuba la tasa de desemplegu, y asina foi nel contestu del estáu, con 50.481 persones más apuntaes nes llistes del INEM. Asturies foi la tercer comunidá onde más xubió'l paru nesti primer mes del añu, con 3.442 demandantes d'emplegu más, lo que supón una xuba del 6,23% respective a avientu del 2.003. Anque la xuba ye espectacular d'un mes pal otru, la interanual cásique nun cambia, rexistrándose una diferencia ente xineru del 2.003 y xineru del 2.004 de 184 persones. En total Asturies tien un total de 58.678 demandantes d'emplegu, un datu que pon la tasa de paru otra vuelta penriba del 13%, siendo Asturies la segunda Comunidá Autónoma con más paru tres d'Estremadura, que presenta una tasa del 14,45%