El paru baxó en xunu en 3.083 persones

|

Asturies sumó un mes nuevu de descensu del paru, qu'en xunu algamó les 3.083 persones. Con esti rexistru, el númberu total de paraos nel país ye de 83.453 persones, la cifra más baxa dende setiembre del 2011.

El descensu foi del 3,56 por cientu, dalgo superior a la media estatal, que foi del 3,20 por cientu. Con esta cayida del paru, Asturias suma 33 meses de descensu interañal siguíu.

La direutora del Serviciu Públicu de Emplegu del Principáu (Sepepa), Luisa Pérez, destacacó qu'a la cayida del desemplegu súmase l'aumentu d'afiliaos a la Seguridá Social en 1.795 persones, hasta algamar los 352.826 cotizantes, un 0,51 por cientu más que'l mes anterior. Con estos númberos, Asturiez zarró xunu con 4.671 persones más afiliaes a la Seguridá Social qu'hai un añu.

La meyora de los indicadores venceyaos col emplegu prodúxose, sobre manera, n'actividaes rellacionaes col comerciu, el turismu, la sanidá y l'atención a les persones, amás de nel sector agrícola.

Un 6,47 por cientu interañal

La variación interañal, mentes, reflexa una cayida del desemplegu del 6,47 por cientu, de forma que xunu peslló con 5.769 parados menos que nel mesmu mes del 2015. Estos datos constaten la tendencia descendente mes a mes nos sectores de la industria y la construcción, con reducciones interañales del 9,15 por cientu y 15,77 por cientu, de manera respeutiva, según afirmó Pérez.

Contador Estadistiques