El músicu vascu Hibai Aiestaran compón un cantar n'asturianu

|
Hibai Aiesteran

L'integrante de la banda Deiedra dedicóla al so perru Trasgu y tien influencies asturianes.

La muerte del so compañeru llevó a Habai Aiestaran a compone-y un cantar n'alcordanza, pa lo que decidió a atrevese col asturianu. "El nuesu perrín vivía ellí, pero pasaba temporaes llargues conmigo equi n'Euskadi. Pensé que la canción debía ser en llingua asturiana como homenaxe", esplica'l de Santurtzi.

Pa facer realidá esti deséu, fíxose acompañar de dellos músicos, ente ellos l'asturianu Maxi Areñes. Nacía asina 'La del perrín Trasgu' baxo'l nome del so proyeutu personal Hibai & The Basauri Prison Folkies, que s'acompaña d'un videu con imáxenes de Xixón.

El tema tien influencies asturianes como "Felpeyu, Corquiéu o Llan de Cubel", rescampla Aiestaran, que tuvo contautu cola música del país nes sos visites a Asturies, d'onde ye orixinaria la so muyer. "Ellí conoci la musica folk asturiana en chigres como'l Trisquel, Ca Beleño, el Corquiéu de Ribeseya... Tamién la mitoloxia", esplica'l miembru de Deidra, banda qu'amiesta música tradicional irlandesa y escocesa y old time americanu.

Contador Estadistiques