"El Mundo" da-y tamién l'absoluta a Rajoy

El diariu madrileñu El Mundo tamién espubliza esta mañana los datos de la so encuesta particular sobre les elecciones del 14 de marzu. Según la encuesta de Sigma Dos pal periódicu que dirixe pedro J. Ramírez, El PP sacaría'l 14 de marzu una mayoría absoluta qu'andaría tamién mui raspiada, pero algamando en cualquier casu los 176 escaños precisos. Sobre los resultaos electorales n'Asturies, El Mundo da-y al PP una intención de votu del 49% y ente 4 y 5 escaños. El PSOE quedaría col 39,1% del votu y ente 3 y 4 diputaos, mientres qu'Izquierda Xunida caltendría'l que tien agora anque baxando en tantu por cientu de votu sobre l'añu 2.000 del 10,3% al 9,6%