El ministru d'información iraquín, estrella de la rede

Ente los personaxes de la guerra d'Iraq rescampló por méritu propiu, el Ministru d'información iraquín. Tomando a risa los "supuestos" avances de la tropa americana, Mohammed Saef-Al Saffah afitaba tolos díes delantre de la prensa qu'Iraq diba ser la tumba del exércitu americanu y negaba la mayor cuando dicía que yera mentira que los invasores tomaren tala o cuala posición. La internet, con esi ciñu tan especial que-yos tien a tolos personaxes d'esta inclasificable triba, ta acabante de llevar a los altares cibernautes la figura d'esti ministru que dicen que quixo ser mayestru d'inglés. Páxines enteres, animaciones y hasta un club de fans del desapaecíu ministru, del que nun se sabe res dende la selmana pasada, tan agora ente les páxines que más se visiten na rede. Vivir pa velo.