El gochu de Mariano Rajoy

El candidatu a la presidencia del Gobiernu pol PP Mariano Rajoy presentó esta mañana la so web oficial de campaña, que quier ser "una amuesa más del compromisu del partíu y del so candidatu a les xenerales coles nueves tecnoloxíes" según diz el comunicáu oficial que convidaba a asistir a la presentación, que podía siguise en tiempu real pela web oficial del partíu www.pp.es. Ello ye qu'anque nel PP siempre se fizo apueste pol dominiu español ".es" tendríen de mirar por curase en salú acutando tolos dominios que tengan rellación col nome del candidatu, porque depués pasen coses desagradables, como ye'l qu'un particular acute'l dominiu "www.marianorajoy.com" y lu gaste n'anunciar un gochu. Ensin dir más p'allá, el casu de Tiniareces.com tenía de valir d'avisu pa navegantes ¿o non?