El galipote del Lydia espárdese pela costa

La falta de barreres de contención nel Puertu d'El Musel, circunstancia que retrasó la rempuesta al accidente mientres s'esperaba que traxeren más d'Avilés, parez ser la causa que permitió que'l vertíu de galipote del Lydia s'espardiere pela costa de Xixón y la rodiada. Según datos del Ministeriu de Fomentu, l'helicópteru de salvamentu atopó ayeri una mancha irisada que salía de la parte de Peñarrubia y entraba hasta Playa España, en conceyu de Villaviciosa, mientres que la lancha Salvamar Rigel atopó otra mancha de 100 metros sobre una milla al norte de la Playa de San Llorienzo.

Ayeri pela tarde siguieron los trabayos de recoyida del galipote, atropando na mar 4 tonelaes de galipote'l remolcador Alonso de Chaves y recoyendo otres 15 tonelaes el retén d'obreros na Playa de Peñarrubia, onde trabayen güei 50 persones.