Seis temes, con seis vídeos musicales que presenten otres tantes histories visuales que van dir asoleyándose mes a mes, conformen l’EP ‘Fechu’n PLA’, el primer proyeutu musical de Tever. Esti ochobre presenta ‘Fayendo’, el primer cenciellu, na qu’acompaña’l soníu de la gaita asturiana con imáxenes protagonizaes por una impresora 3D.
Pablo Manuel Díaz García, nome real de Tever, aprovechó’l confinamientu pa trabayar con esti preséu o cola circuitería llétrónica con ferramientaes como Arduino. D’ehí nació la idea d’esti proyeutu musical col que contar “historias visuales que surdieron estos meses”.
‘Fayendo’ ye la primer pieza audiovisual de les seis. Nella vese como’l músicu trabaya nun ordenador nel diseñu d’un punteru de gaita, que darréu constrúi de manera física gracies a una impresora 3D, mientres suena’l cantar nel que l’instrumentu ta acompañáu d’una base lletrónica.
Una forma diferente de llegar a les audiencies la de Tever, qu’emplega los estremaos canales dixitales que’l mercáu musical pon nes manes de los artistes pa colos nuevos oyentes.
La Fundación Almastur, que naz pa la "defensa, espardimientu, estudiu y divulgación de la cultura asturiana en toles sos manifestaciones", va presentase a nun tardar en sociedá. Carlos Rubiera, presidente del so Patronatu, esplicaba va unos meses a Asturies.com esta iniciativa.
