El Derrame Rock marcha d'Asturies

Confirmólo a esti diariu l'organizador del Derrame Rock
Enrique Granda.



El Derrame Rock entamó en 1996 en Grao, creando lo que col tiempu
convertióse nun de los festivales rock más importantes del
Estáu. El festival pelegrinó per distintos conceyos asturianos,
ente elles Xixón, Uviéu hasta instaláse en
Llangréu. Pelos sos escenarios pasaron bandes mítiques del rock
como "Platero y Tu", "La Destileria", "Koma",
"Barricada", "Fe de Ratas", "Soziedad
Alkoholika", Rosendo, "Barón Rojo" o
"Dixebra".



El Derrame Rock venía dende va tiempu pidiendo más apoyu
al gobiernu del Principáu pa poder siguir faciéndose, yá
que l'ayuda que-y daba'l gobiernu yera bien pequeña en
comparación col tamañu del acontecimientu. Enrique Granda,
organizador y reponsable de Santo Grial Producciones, comentó a
Asturies.com que l'añu pasáu'l Principáu prometió
de forma verbal una ayuda que dempués nun se materializó, y que
nun taba dispuestu a tar otru añu más pidiendo sofitu pal
festival pa dempués nun recibir na. Esta falta d'apoyu por parte del
Principáu llevó a Santo Grial Producciones,
discográfica organizadora del festival, a decidir llevár el
Derrame Rock d'Asturies. Granda afirmó que'l festival tien ufiertes de
dellos sitios nel Estáu español, pero de toes maneres
aseguró que'l festival nunca nun diba faccse n'Asturies
independientemente de les subvenciones, y de faese sedría fuera
d'Asturies. Ye posible que se faiga una fiesta de despidida del Festival con un
conciertu onde actuaríen delles bandes asturianes que subieron al
escenariu del Derrame Rock.