El congresu español quier tresxénicos

La mayoría absoluta del PP nel Parlamentu español sacó alantre esta mañana la llei nueva que va regular l'espardimientu d'Organismos Modificaos Xenéticamente. Al paecer de la organización ecoloxista Greenpeace, esta llei va contra l'espíritu y la lletra d'una Directiva Europea del añu 2001 qu'encamienta a nun esparder pel momentu los tresxénicos, y coincide nel tiempu con que se dieren de pasu n'España cinco variedaes nueves de maíz tresxénico pa cultivu comercial, colo que s'afita la posición d'España como únicu estáu de la UE qu'autoriza los cultivos tresxénicos.

Al paecer d'Amigos de la Tierra la decisión española nun tien xacíu cuando la UE fala d'una meyora de la llexislación primero de dar de pasu nengún cultivu más, como vien faciéndose cola moratoria qu'entamó en 1998. Otramiente, l'Estáu Español carez d'un marcu d'absoluta indefinición llegal y normativa que lleva a un marcu d'inseguranza mediuambiental énte la entrada d'estos productos, como ye'l casu de que nun se tengan midíes de prevención de la contaminación xenético de los cultivos normales o el que nun s'obligue a etiquetar distinto los productos con tresxénicos.