El comerciu electrónicu nun cuaya n'Asturies

Los últimos datos del Institutu Nacional d'Estadística sobre comerciu electrónicu nos tres meses últimos dexen a Asturies na cola del espardimientu d'esti sistema de compra ente los consumidores, y ye que, al dicir de la estadística, namás 9.400 asturianos (el 1% de los internautes) s'atrevieron a mercar por internet, gastando una media de 100,2 euros. La media estatal, que tampoco ye pa tirar voladores, diz que'l 2,1% de los internautes mercaron daqué pela rede, con un gastu mediu de 153 euros. La falta de vezu a la hora de mercar per internet sigue llamando l'atención cuando Asturies si que ta na media estatal d'accesu a internet, con 48.600 viviendes con accesu a la rede (13,3% del total) . D'eses viviendes enganchaes, 29.500 tienen accesu per rede telefónica convencional, 13.900 entren al serviciu de Telecable y namás 1.600 gasten llinia ADSL.

En total, el 16,63% de la población asturiana de más de 16 años entró dalguna vegada a Internet de va tres meses p'acá, respondiendo'l perfil del usuariu mediu al d'una persona ente 25 y 34 años de los que'l 46% son estudiantes. Pa ver la estadística entera y enanchar información pues entrar al web del INE con toles tables del estudiu d'Equipamientu y usu de Tecnoloxíes d'Información y Comunicación