El comerciu electrónicu movió 295 millones nel 2.003

Anque tovía hai bien de torgues al desarrollu de los negocios n'Internet el tercer trimestre del 2003 foi mui positivu pal comerciu electrónicu nel Estáu Español. De fechu, el volume de negociu del comerciu electrónicu al traviés de tarxetes de créditu y débitu algamó la cifra de 97,2 millones d'euros a nivel estatal. Ello supón una xuba del 14,6% respective al segundu trimestre del 2003. Según l'informe de la Comisión del Mercáu de les Telecomunicaciones (CMT) nel conxuntu del 2003 el comerciu electrónicu tuvo un resultáu de 295 millones d'euros, el doble del volume de negociu fechu nel añu 2002

Ente los sectores más afayadizos pa vender na rede tan los viaxes, música y informática. Tamién ye perimportante'l volume d'operaciones de banca electrónica que se faen como mercar valores al traviés de brokers virtuales y facer tresacciones ente entidaes financieres dende casa. Les empreses españoles que más venden n'Internet son Iberia y El Corte Inglés. representando elles dos más d'un quintu del volume total negociu. Nesti añu añu 2004 les coses pinten meyor como demuestren les previsiones d'Iberia de vender na rede viaxes por 160 millones d'euros. Lloñe de la burbuya d'Internet, les grandes empreses tan aprovechando perbien les sos marques comerciales pa esplotales n'Internet.