El chigre de Lorient en semeyes

Amás d'actuaciones y muestres de folclor, Lorient tamién da pa nueches bien llargues nel chigre asturianu.

La sidrería asturiana foi un llugar mui visitáu tanto polos integrantes de la delegación asturiana, como por "nativos" o otros habitantes del Festival. Les actuaciones de "La Bandina" animaben la sidrería yá de tarde, y los talleres de baille de l'Andecha Folclor d'Uviéu poníen a sudar al que s'animaba. Les nueches yeren una mezclienda d'actuaciones espontánees, folixa y muncha sidra. Nes semeyes puen vese retrataos a la xente de "La Bandina", de l'Andecha Folclor, a los habitantes de la sidrería, o la semeya del momentu en que la banda de gaites "La Raitana" entró de forma espectacular nel chigre y tocaron delles pieces nuna actuación improvisada. Amás tamién hai dalguna semeya de la fiesta conxunta ente los italianos y los asturianos, onde nun faltó tampoco grappa, pasta, sidra, música y folixa. Pa ver l'álbum de semeyes namás qu'hai que calcar equí.