El Centru Asturianu de La Plata pide que nun lu faigan de menos

El Centru Asturianu de La Plata
(Arxentina) con Alberto Susacasa al frente, pidió que nun s'iguale a los
Centros Asturianos asitiaos fuera del país colos centros que trabayen
n'Asturies na futura Llei de Centros asturianos. Ello vieno a cuentu de que'l Centru Asturianu d'Uviéu
pidió tala igualación de derechos na Llei de Centros Asturianos,
cosa que a la institución que lleva Susacasa nun-y abulta xusto porque
una clase de centros y la otra tienen oxetivos y funcionamientu distintos
dafechu. Susacasa pidió que centros como l'Asturianu d'Uviéu y
otros asemeyaos queden fuera de la Federación Internacional de Centros
Asturianos (FICA), que n'agostu va facer una asamblea en que va tratase esti
tema. Pal veteranu responsable del Centru de La Plata la FICA tien de ponese al
serviciu los emigrantes, non de los asturianos que viven n'Asturies, y apunta
que lo tres d'esta igualación hai una maniobra pa facese col control de
la FICA