El BOPA quier resucitar a los muertos

Persábese que la lletra del Boletín Oficial del Príncipáu d'Asturies ye cásique sagrao y que lo que traiga ellí escrito en materia d'oposiciones, concursos o subvenciones va a misa, pero d'ehí a que'l papel oficial de l'alministración asturiana pueda resucitar a los muertos va un cachu bien grande que, de cualquier manera, parez que tan dispuestos a saltar. El primer intentu pa llevantar a un defuntu diose nel BOPA del 19 de febreru, qu'espubliza una surrealista anuncia d'auténtica traca. L'anuncia en cuestión trata d'una sanción en materia de pesca unviada pola Conseyería de Mediu Ambiente. Como l'infractor falleciere, el carteru devolvió-y la carta al Principáu conseñando la causa de que la carta tornare a la Conseyería. Como si la muerte nun fuere quitare de tener que pagar la multa, la Conseyería espublizó en BOPA esta nota firmada pola Xefa del Serviciu d'Asuntos Xenerales dando-y al muertu diez díes de plazu pa presentase nel edificiu de Servicios Múltiples d'Uviéu pa enterase del conteníu de la notificación.