El Bopa espubliza les ayudes al asturianu

El Boletín oficial del Principáu
d'Asturies d'esti sábadu, que pue consultase yá n'interrnet,
espubliza los datos de les subvenciones a la promoción del asturianu
d'esti añu. El repartu y denegación d'ayudes pa estudios de
promocióndel asturianu, música n'asturianu, actividaes de cine y
vídeo n'asturianu, publicación de llibros, y a empreses,
asociaciones, corporaciones locales y medios de comunicación por usu del
asturianu llega esti añu con retrasu sobre la fecha normal, culpa del
trestornu que supunxeron les elecciones y el veranu.

Xunta los datos d'estes subvenciones tamién se recueyen otra riestra
d'ayudes como les de grupos de música tradicional, festivales
intercélticos y otres ayudes culturales como les que se dan a la
creación lliteraria o la formación artística.
Sicasí, nun tan toles que son, porque falten por apaecer delles, casu de les
que se dan a escueles de música tradicional. Como nota curiosa, delles de les subvenciones vienen firmaes pola antigua Conseyería d'Educación y Cultura, anque les más d'elles yá traen la de la nueva Conseyería de Cultura, Comunicación Social y Turismu.