El blogue 'Como augua de torbón' amplía una historia d'una víctima de la represión franquista

Ye la de Eusebio Cuesta 'El Santanderino'.

Xosé Miguel Suárez Fernández sigue trabayando nel blogue ‘Como augua de torbón', que completa y amplía'l so llibru en gallego-asturiano ‘Como augua de torbón. Guerra civil y represión franquista nel estremo noroccidental d'Asturias’ (Ediciones Trabe). Ésti busca recuperar la memoria de les 800 víctimes documentaes na zona y inclúi, na segunda parte, infomación más detallada d'un centenar d'elles.

La so espublización fixo que-y llegaran histories o datos nuevos, como ye'l casu de 'El Santanderino'. Natural de la Llébana, marchó a vivir a Bual, instalándose nel barriu A Pilella, y l'autor pudo conocer más información sobre él y la so vida gracies a ún de los so fíos, Ángel.

Cuesta foi represaliáu pola so actividá sindical nel saltu de Doiras, tuvo fugáu nel monte y morrió nun accidente llaboral nun destacamentu penitenciariu n'Almadén. Suárez Fernández cuenta de manera amplia y con detalle la so historia y de la so familia nesta entrada nueva del blogue. 

Na semeya, 'El Santanderino' y familia.