El Betis, rival del Sporting en dieciseisavos de Copa

La vuelta va ser n'El Molinón el 16 d'avientu. La ida, el 2 d'esi mesmu mes en Sevilla.

El Betis-Sporting ye la eliminatoria más atractiva de los dieciseisavos de Copa, sortiaos esta mañana, más si tenemos en cuenta los partíos atractivos qu'estos dos rivales xugaron n'El Molinón esta temporada y l'anterior, dambes con victoria visitante por 1-2. Un rival mui complicáu pa los d'Abelardo, sobre manera pola pólvora que tien el conxuntu béticu arriba, con xugadores como Rubén Castro o Joaquín, que marquen diferencies.

El restu d'enfrentamientos nesta ronda, la primera a doble partíu de la competición, son los siguientes: Levante-Espanyol, Las Palmas-Real Sociedad, Rayo-Getafe, Almería-Celta, Leganés-Granada, Llagostera-Deportivo, Mirandés-Málaga, Ponferradina-Eibar, Cádiz-Real Madrid, Villanovense-Barcelona, Barakaldo-Valencia, Reus-Atlético, UD Logroñés-Sevilla, Linense-Athletic Club y Huesca-Villarreal.

Col actual formatu, el Sporting entró nel bombu de los equipos de Segunda que siguen vivos na competición y colos de Primera que nun xueguen competiciones europees. Los equipos que participen na Lliga de Campeones y Lliga Europa, crúcense con rivales de Segunda B –nun se clasificó nengún de Tercera–, a esceición del Villarreal, que s'enfrenta al Huesca, de Segunda.