El bandu la Guía entama fiestes en Llanes

Ún de los tres bandos de la localidá de Llanes celebra les sos fiestes estos díes con actividaes y grupos asturianos.

Lo más cercano nestes fiestes pa los aficionaos a la música folk ye una nueche folk esti miércoles día 3. El llugar ye la Plaza de Les Barqueres en Llanes, a partir de les 20:00 yá podrá disfrutáse d'una espicha, na que va actuar "La Bandina de Llacín". Esta ye una pequeña banda de gaites formada por alumnos de la escuela de Llacín, qu'inda nun dieron el saltu a la Banda de Gaites Llacín. Depués de la sidra y la comida, sobre les 21:30 hores, llega la música folk de la mano d'un grupu mui conocíu pela zona como ye "Niundes", darréu los xixoneses "Felpeyu", depués, otru grupu que xuega en casa "Corquiéu", que yá prepara pieces pa un nuevu discu y qu'agora cuenta col vigulinista Franki Delgado na so formación. P'acabar "Dixebra", qu'esti añu va sacar un llibru y un discu na que faen repasu de la historia d'esti míticu grupu de la música asturiana.

El sábadu 6 de setiembre tamién va poder vése en Llanes el conciertu "Hecho en Asturias", esta vegada'l sitiu va ser l'aparcamientu de San Antón, y la hora d'entamu ta previsto que seya sobre les 23:30 hores.