El 56% de los asturianos nun pue aforrar

Ta acabante d'apaecer la última encuesta del observatoriu dEconomía Familiar del Institutu Nacional d'Estadística. Nesta serie de datos, que correspuende al últimu trimestre del 2001, nel 56% de les viviendes asturianes encuestaes dixeron que nun podíen dedicar perres al aforru. Entovía más, na mesma encuesta diz que'l 4,3% de les families asturianes lleguen a últimos de mes con muncha dificultá y otru 11,2% "con dificultá".

Nun son, nin con muncho, los peores datos del conxuntu del estáu, pero'l datu del INE vien a completase col índiz de costes llaborales, qu'espeya'l coste salarial per comunidá autónoma. Asturies quedó per primer vez perbaxo la media estatal nesti índiz, con un salariu mediu de 1421 € énte los 1.489 € de media estatal.