Ejido 1 - Sporting 0

Nun yera'l d'ayeri un partíu buenu pa que l'Uviéu recuperase tarrén na clasificación, pero los carbayones decíen que diben salir a comer al enemigu. Sicasí, y anque'l Zaragoza ande taramiellándose pela clasificación, quedó claro que ye munchu equipu pal Uviéu, que ye'l conxuntu que peor xuega en casa. Énte les cámares de Canal+ los azules afitaron que cualquiera que tenga cuatro deos de frente pue baltialos namás qu'esperando a que fallen. Salieron apretando, y a los 9 minutos David Cano tiró a puerta, pero ehí acabó l'Uviéu. Cani, en xugada individual, fusiló la meta carbayona, pesando'l gol sobre los asturianos na segunda parte. L'equipu local apretó y ganó muncho cola entrada d'Idiakez, anque Oli nun tuvo'l día y falló ocasiones clares. Cuando'l partíu daba les boquiaes el Zaragoza pilló al Uviéu a la contra, marcando'l segundu Galleti pa los maños