Efrén presenta una serie de viñetes sobre la sidra

|
La sidra al traviés del tiempu 1 (3 de xunetu del 2022)

El dibuxante Efrén d’Andrés, que tolos domingos espubliza una viñeta n’Asturies.com, presenta una serie nueva esti branu. Llueu de les dedicaes al ‘Coronavirus’ y ‘La nueva normalidá’ nos primeros meses de la pandemia de COVID-19, recupera estos bloques temáticos con ‘La sidra al traviés del tiempu’, compuesta por ocho episodios.

La primera xira alredor de l’antigüedá de la sidra y tien eses pingarates del humor tan carauterísticu d’Efrén. A ella van siguir otres que van tratar sobre la novedá del vasu sidra, los inventos pa echala o la etiqueta.

En total son ocho episodios d’una serie sobre una bébora tan carauterística qu’aspira a ser declarada Patrimoniu Cultural Inmaterial de la UNESCO englobando tola cultura alredor d’ella. Un productu mui consumíu nel branu asturianu y sobre’l qu’Efrén repasa detalles de la so historia y los cambios nes costumes de consumu acompañando cada entrega con una narración en versu que da continuidá a la historia.

Contador Estadistiques