Dos manches enormes atiestando con Asturies

Nel día de güei, dende'l Principú nun dan anuncia de que llegaren más manches de galipote importantes a playa nenguna, pero sí que dan avisu de que l'helicópteru de los bomberos d'Asturies atopó dos manches xigantesques de 200X50 m. y 600X10mts en agua de Cantabria, pero casi atiestando con Asturies y namás qu'a cinco metros de la costa.

Otramiente, el conceyu d'ayeri ente les cofradíes y el conseyeru de mediu rural y pesca acabó col resultáu que se suponía, y los caladeros nun van pesllase a la pesca, una decisión na que tuvo abondo pesu'l votu de la cofradía d'Avilés, la mayor del país y na que tan los armadores más fuertes d'Asturies. Sicasí, esto nun ye definitivo, y podría tomase en consideración el trancar la pesca si la cosa fore a peor. En conceyu abiertu seguimos proponiéndovos la entruga ¿hai que pesllar la pesca dafechu? y apurrimos l'enllace a esti artículu sobre la introducción del petroliu na cadena alimentaria