Dos esposiciones conformen un Festival Intercélticu d’Avilés marcáu pola crisis sanitaria

|
Cartelu XXIV Festival Intercélticu d'Avilés y Comarca

El XXIV Festival Intercélticu d’Avilés y Comarca echó a andar esti llunes y va allargase hasta’l vienres con un programa marcáu pola crisis sanitaria. Tres nun algamar permisos de la Conseyería de Salú pa entamar pasucais, Esbardu va caltener el certame con dos esposiciones, una en collaboración cola Lliga Celta d’Asturies.

A les 13 hores inauguróse esti veteranu festival nel Palaciu de Valdecarnaza con un actu que sirvió pa presentar ‘Ástures Luggoni. Armamentu y Vestuariu na Edá de Fierro’, nel que tuvo presente Fernán Morán, presidente de la Lliga Celta. Ésta pue visitase de 11 a 14 y de 18 a 21 hores dende mañana.

La segunda esposición, abierta’l sábadu, ta instalada n’El Corte Inglés con horariu adaptáu al d’apertura d’esti centru comercial. Trátase d’una ‘Amuesa de Traxes ya Estrumentos Tradicionales Asturianos’.

Contador Estadistiques