Día de reflexón con pita

La pita de la Xunta Pola Defensa de la Llingua, que protagonizó la campaña electoral al ser noticia nos telediarios del estáu cuando coincidió cola comitiva del presidente Areces na primer pegada de carteles electorales, nun quixo despedir la campaña ensin una amenza: la de presentase pa les elecciones.

La pita de la Xunta, convertida yá en personaxe célebre y llevantada en cobrador de frac mariellu del movimientu cultural asturianista, dispón yá de web propia dende'l dominiu www.tiniareces.com y déxanos pal recuerdu esti cartel electoral que nun foi pero que guapamente pudo ser y un recáu pal Presidente del Principáu. Dende la Xunta Pola Defensa de la LLingua recuperen l'almanaque de los chinos y anuncien que llega l'añu de la pita.