Desmanguen una antena de telefonía móvil n'Avilés

El Colectivu Ecoloxista d'Avilés mandó esta mañana una nota de prensa congraciándose de la retirada d'una antena de telefonía móvil nel barriu de La Madalena d'Avilés. Según espliquen los ecoloxistes, l'antena tenía un espediente municipal y otru de la Comisión d'Urbanismu y Ordenación del Territoriu (CUOTA) que dicíen que l'antena nun tenía llegalización posible. Anque la empresa titular de l'antena, Retevisión, punxo un recursu contenciosu-alministrativu contra la decisión de la CUOTA, esti nun prosperó.

El colectivu avilesín remembró que ta reconocío por científicos l'efectu de les radiaciones non-ionizantes que xeneren les antenes de telefonía sobre les persones, polo que van siguir col llabor que tan faciendo de control de les antenes nel conceyu.