Desastre ecolóxicu en Rusia

Un nuevu accidente del tresporte marítimu amenaza con provocar una catástrofe natural na península de Kamchatka, al este de Rusia. El responsable de la situación ye un contenedor de la empresa DuPont cargáu con venti tonelaes de productos tósicos que se perdió na mar el mes de marzu a l'altura de Corea. El contenedor apaeció la otra selmana flotando enfrente de Kamchatka, onde ta soltando la carga y provocando yá la muerte de bien de foques na reserva de Kormandorsky. El gobernador de Kamchatka anunció que va demandar a la multinacional química, qu'entovía nun fizo comunicáu oficial nengún

Asitiada ente'l mar d'Okhotsk y el de Bering, xunta les islles Aleutianes, la península de Kamchatka ye una de les reserves mundiales de la biosfera declaraes pola ONU, rescamplando com la población que tien de sobre 300.000 exemplares de foques, a les qu'hai qu'axuntar cerca de mediu millón de páxaros y una fauna acuático na que s'enxerten hasta 21 especies distintes de ballenes.