Deportistes de Llión y Euskadi nel memorial Cliper de deportes tradicionales

L'equipu de Deportes Tradicionales "Seis Conceyos" presentó ayeri la IX Edición del "Memorial Cliper" de deportes tradicionales, que va celebrase esti sábadu en Pabellón de Deportes Municipal Xixón-Sur de Xixón de les cinco de la tarde en p'alantre. Deportistes d'Euskadi y Llión van participar xunta los asturianos nesta muestra-competición que cada añu organiza l'equipu saregán de deportes asturianos n'alcordanza d'Ángel Álvarez González 'Clíper' el desapaecíu fundador del equipu. Ente les estrelles que van venir de fuera a participar en Xixón va tar l'aizkolari Julen Mendieta campeón de España de corta de tueros con hachu y l'asturianu Xuacu Naredo, de 6 conceyos, campeón del mundu de corta n'altura.

Seis Conceyos pieslla con esti acontecimientu yá tradicional un añu en que los de Sariegu ganaron la primer edición del Campeonatu - lliga de deportes asturianos tradicionales por equipos. Los resultaos finales d'esta lliga de deportes que constó de seyes prebes per tol territoriu asturianu. Seis Conceyos ganó la clasificación por equipos nesta lliga y, anque a lo deportistes del equipu se-yos escapó'l trunfu individual, que foi pa Esteban muñiz, de Monte Areo, los sareganos Fernando Díaz y Ricardo Roza quedaron en segunda y tercer posición d'un campeonatu en que participaron siete equipos y sesenta deportistes.