Denuncien qu'Iberdrola fai propaganda engañoso

La compañía eléctrica asturiana Electra Norte quexóse esta mañana nuna nota de prensa de la campaña de propaganda que ta faciendo estes selmanes la eléctrica Iberdrola emponderando'l calter "verde" de la corriente que distribuye. Según denuncia la modesta elécrica allugada en conceyu de Siero, Iberdrola diz n'anunciu que son la primer compañía n'ufiertar corriente verde a partir de fontes 100% renovables. La casa asturiana desmiente dambes afirmaciones en cuantes que, en primer llugar foi Electra Norte, filial d'Electra del Carbayín, y non Iberdrola , la primera en dar corriente dafechu a partir de fontes renovables. En segundu llugar, la eléctrica asturiana diz qu'Iberdrola trabaya con fontes contaminantes y non renovables, mientres qu'Electra pasa tolos años una auditoría al cargu del prestixosu gabinete Bureau Veritas pa certificar que tola corriente que vende sal de fontes renovables. En consecuencia, la compañía que dirixe Luis Díaz acusa a Iberdrola de propaganda engañoso