Denuncien a un mayestru pol tema de los cartelos esborriaos

La polémica sobre'l casu de los carteles indicadores esborriaos en Xixón ta acabante d'entrar nuna fase gafienta sobremanera. Ello ye que'l conceyal de la parte rural Faustino García "Tino Venturo" ta acabante de denunciar énte la Guardia Civil a Xosé María García, mayestru de la escuela de primaria "Jacinto Benavente" de la Camocha por participar nun actu simbólicu ayeri en La Camocha nel que s'iguaron con unes pegatines colos topónimos correchos que se mangaron enriba de los rétulos indicadores orixinales, nos que los nomes de les parroquies apaecíen namás en forma castellana. Tenemos que matizar asina la primer información que diéremos na que se dicía que la denuncia yera pol estropicios dafechu de tola señalización de les parroquies de Deva y Santurio . Los axentes de la Guardia Civil pasaron esta mañana pel colexu
pa da-y la noticia al mayestru y conocíu asturianista, que se-y conoz popularmente como "Llábana"