Denuncien a la Telecable castellana

Retecal, la compañía castellana de telecomunicaciones filial de l'asturiana Hidroeléctrica, nun gana pa disgustos. Si el mes pasáu los abonaos malcontentos col serviciu qu'apurre la compañía hermana de Telecable organizaron una selmana de protesta que dañó abondo la imaxe de la casa, esti mes El titular d'una cadena de TV local burgalesa ta pa sacar alantre'l pleitu que tenía cola operadora.La historia entama n'ochobre del 2.001, cuando l'empresariu Antonio Gallego, dueñu de la canal de TV local Canal Burgos denunció énte Defensa de la Competencia a Retecal por "práctiques restrictives de la competencia". La denuncia encontábase en que cuando los operarios de Retecal daben d'alta'l serviciu nos edificios de Burgos desenchufaben de pasu l'antena de la comunidá, colo que yá nun podía vese más Canal Burgos, canal que nun va enxerta na ufierta de TV de Retecal. Daquella archivose enseguida la denuncia, pero'l tribunal de Defensa de la Competencia ta acabante de facer casu del recursu que presentó l'empresariu local, y manda agora investigar si la compañía con sé en Valladolid desenchufaba o non les antenes de comunidá. Por cierto, que nesa sé de Valladolid ye onde-yos garren la llamada a los abonaos asturianos de Telecable cuando quieren contactar col serviciu d'atención al cliente.