Deldes y aforros de los asturianos

Según el Bancu d'España cada asturianu tien de media unos aforros nes entidaes financieres de 11.800 euros. Esta cifra ta perbaxu de la media estatal que s'asitia nos 15.133 euros por persona. Asina los asturianos nun son de los que más perres tienen metíes en bancos, caxes y cooperatives, estadística qu'encabecen Madrid y Castiella-Llión, mientres que, a la contra, Andalucía ye la comunidá con menos aforru por ciudadanu. Tamién diz esti informe del bancu central que los asturianos enfótense más pa guardar les perres nes caxes d'aforros que nos bancos.

Otramiente, otros informes del Bancu d'España dan anuncia de les deldes de los asturianos. El datu ye que cada asturianu debe-y a entidaes financieres 11.729 euros por términu mediu, un bon picu más respective al añu pasáu, y ye que la tasa interanual de deldes con entidaes financieres medró nel 2003 un 14,27% nel conxuntu del Estáu. Los madrilanos y los catalanos son los más endeudaos mentanto que los ciudadanos de les comunidaes de Galicia y les ciudaes autónomes de Ceuta y Melilla.