Defensa nun quier un barcu republicanu

Va unos años, l'abogáu Antonio Checa alcontró de casualidá na Costa'l Sol , el submarín C-3, ún barcu de la guerra civil que toles investigaciones modernes concuellen en que lu mandó a pique un submarín alemán. La mesma empresa que reflotó'l Kursk yá tien preparáu un proyectu pa reflotar el C-3, una operación más cenciella que la del submarín rusu, y la caxa valenciana Unicaja ta dispuesta a financiar la operación, pero según Antonio Checa, el Ministeriu de Defensa, titular del C-3, diz que nun-y paez conveniente políticamente la operación y que nun tien interés por reflotar el barcu. El C-3 anduvo de patrulla pel Cantábricu nel añu 36, pero dellos de los sos ximielgos tienen muncho que ver col desarrollu de la guerra n'Asturies. Ensin dir más allá, el C-6, que tuvo a punto de mandar a pique al acorazáu "Almirante Cervera" que bombardeaba Xixón, echó bien de tiempu n'El Musel y acabó fundiéndolu la tripulación énte la costa asturiana cuando los nacionales tomaron Asturies. Sábese tamién que'l C-5 ta fundíu a unes 11 milles al norte de Ribesella.