David Herrero (Paternina) vencedor na 2ª etapa de la Vuelta a Asturies

El corredor vascu entró con 2 segundos de ventaxa na meta allugada en Xixón, fue segundu Martín Perdiguero qu'encabezaba un pelotón de 40 unidaes nel que taben tolos favoritos. Iban Mayo intentó probase na subida a San Martin de Güerces llanzando un duru ataque. Nel grupu reaccionaron Roberto Heras y Fabian Jeker, demostrando tamién la so bona forma. Per Cagüeñes y La Providencia formóse'l grupu del que saltaría a 4 kilómetros de la meta'l vencedor de la etapa David Herrero.

L'actual líder de la carrera Luis León Sánchez (LST) caltién el malliot amariellu, con 4 segundos sobre David Navas (IBB).



Mañana disputarase la etapa con final n'Avilés, dempués de pasar pel Altu de San Llorienzu de 1ª categoría.