Datos del Institutu de la Muyer

Según datos acabantes d'espublizar pol Institutu de la Muyer d'Asturies, el númberu de víctimes d'agresiones de xeneru nel primer cuatrimestre del añu 2.003 foi de 363 por 14.229 en tol estáu. Mientres n'Asturies nun hubo que llamentar víctimes mortales, la cifra total española pa estos 4 meses ye de 45 fallecimientos, lo qu'amenza con poner un récord históricu n'acabando l'añu, que bien podría pasase de les 70 muertes que se rexistraron nel añu 2.001.

Otramiente, cada añu son más les muyeres que dan el pasu d'acudir a los servicios dependientes del Institutu de la Muyer. Según datos oficiales, l'Institutu lleva atendíos nel primer semestre del 2.003 un total de 205 procedimientos xurídicos, por 314 en tol añu 2.002, mientres que 126 muyeres pasaron peles cases d'acoyida del organismu públicu, por 200 en tol añu 2.002. En total, el númberu d'usuaries de los Centros Asesores de la Muyer foi de 5.489, por 9173 en tol añu 2.002.