Cursu de construcción d'Arpa

L'asociación "Aula de Música Antigua" entama un cursu de construcción d'arpes pa xente en paro.

L'asociación "Aula de Música Antigua", venceyada al Conservatoriu del Nalón, organiza un Cursu de construcción d'arpes, financiáu pola Conseyería de Trabayu y Promoción d'Empléu. El númberu total d'hores del cursu ye de 264, repartíes dende'l 6 d'ochobre hasta'l 5 d'avientu nun horariu de 9 a 15:00 hores. El númberu d'alumnos que s'acepten ye de 8 y el plazu d'inscripción acaba'l 22 de setiembre. P'apuntase al cursu nun fai falta tener conocimientos previos, anque si ye necesario tener la tarxeta del paru. Como últimu, pero importante datu, comentar que'l cursu ye de baldre y que pa más información pue llamase a los teléfonos 985 68 12 23 y al 630 62 37 09.