Cursu d'Arpa Céltica

La Fundación de Cultura de Xixón entama pa esti fin de selmana un cursu d'Arpa Céltica.

El 3 y 4 de mayu va desenvolvese nel centru de cultura Antiguu Institutu de Xixón un cursu d'arpa céltica . El profesor del mesmu va ser Rodrigo Romaní, profesor d'arpa céltica y historia de la Música Gallega nel Conservatoriu de Música tradicional de la Universidá Popular de Vigo y tamién miembru fundador del grupu gallego "Milladoiro", formación qu'abandonó nel añu 2000.

L'oxetivu del cursu ye la iniciación a la técnica del arpa céltica de cuerdes de nylon o tripa, anque tamién va atendese pal planu teóricu, comentando daqué de la historia d'esti instrumentu, amás d'echar una güeyada a les sos característiques principales. El númberu de places del cursu ye limitáu y l'apuntase cuesta 28 euros, precisando pa ello de ponese en contactu cola Fundación de Cultura de Xixón nel teléfonu 985 33 22 44 o nel corréu fmc@ayto-gijón.es.

Como actividá complementaria del cursu, el vienres 2 de mayu va haber nel salón d'actos del Centru de Cultura Antiguu Institutu de Xixón a les 20:00 hores un conciertu coloquiu a cargo del mesmu Rodrigo Romaní