Cursos de la Federación de Deportes Tradicionales

L'actividá nel deporte tradicional asturianu nun apara, y si la selmana pasada anunciábemos la celebración d'un cursu de preparación físico pa los deportes tradicionales a cargu del equipu 6 Conceyos, güei ye la Federación de Deportes Tradicionales la que da parte de la convocatoria de dos cursos, ún p'árbitrios y otru pa entrenadores de deportes tradicionales. El primeru va facese en dos tandes los fines de selmana del 16-17 y 23-24 de mayu, y nelli árbitrios colexaos de la Federación Asturiana van poner clas sobre los reglamentos y la manera en que tienen d'aplicase.

El segundu cursu, con un programa muncho más ampliu, va ocupar entera la ponte del 1 de mayu y el fin de selmana del 10 al 11 d'esti mesmu mes. Ente los monitores rescampla la presencia de Javier Pérez-Landaluce y Joaquín Valdés, médicu y psicólogu respectivamente del Sporting de fútbol, xunta l'especialista Gerardo Ruiz Alonso, profesor de ximnasia y que tien escritos dos interesantes llibros sobre deporte tradicional. Pa impartir clases de técnica y táctica cuéntase cola presencia de Jokin Razkin Reparaz, mayestru de de Deporte y entrenador del equipu Sakana de Navarra.

Dambos cursos, que van facese en Polideportivu "Vicente López Carril" de Candás (Carreño) y conlleven la espedición de títulu oficial, dempués de la superación d'un esame y pa facelos hai que pagar unes tases de matrícula de 70 euros. Pa más información, pue consultase la web de la Federación Asturiana de Deportes Tradicionales o llamar al tlf 658 839 185