Cultura Astur en Candás

Dientro de les actividaes de la "I Selmana de la Cultura Astur" de Candás tenemos un conciertu con rock y música tradicional, un sábadu con sabores estremaos.

La "I Selmana de Cultura Astur" en Candás ta organizada pol Ensame Xuvenil Trisquel y el Grupu de Baille Tradicional San Félix. Como diz el so nome consiste nun riestra d'actividaes que se desenvolvieron a lo llargo d'esta selmana, y que va como final de fiesta un conciertu esti sábadu. El conciertu va ser na plaza "La Baragaña", pero enantes a partir de les 18:00 va haber un amagüestu popular que va tener baille tradicional, una esfoyaza, cuentos tradicionales, deporte tradicional, una actuación de la Banda de Gaites de Candás. Pela nueche vamos poder ver a la bandina "Los Llanzones", a "La Bandina" el grupu ayerán que prepara yá temes nuevos p'ampliar repertoriu y de cara a la posible grabación d'un nuevu discu. Va zarrar el conciertu'l grupu del conceyu de Carreño "Güerku", banda que va participar na grabación d'un discu que va axuntar a les bandes qu'anguaño faen rock n'asturianu.