Crez n’Asturies la inversión empresarial en mediu ambiente

L'informe sobre la xestión mediuambiental de la empresa que ta acabante d'espublizar la Fundación Entorno da anuncia del xorrecimientu de la inversión de les empreses asturianes en materia de mediu ambiente. Solo Asturies y Cantabria tienen una xuba na inversión mediuambiental, mientres que´l restu de les comunidaes autónomes presenten una cayida de la inversión, sobre,manera en Baliares y Canaries. Esti informe qu'asoleya cada añu la Fundación Entorno da una imaxe mui pesimista de la situación d'anguaño del mediu ambiente nel Estáu. Asina, l'informe diz que los resultaos de les inversiones de les empreses nel mediu ambiente son probes en tamañu y en oxetivos. Xunta esto tamién da anuncia d'una cayida importante na investigación y desarrollu del mediu ambiente énte les empreses. Ello ye qu'aparte de que la llei mande tener un respetu pola naturaleza, les escueles de negocios ya tan incluyendo como parte básica de la xestión de les empreses la protección del mediu ambiente y el desarrollu d'empreses sostenibles. Con esti informe ponse de manifiestu la poca sensibilidá mediuambiental del mundu empresarial. Paez ser que l'asignatura d'imaxe y escelencia empresarial nun la tienen aprebada les empreses.