Conveniu pa estudiar el faisán montés

El Conseyu de Gobiernu del Principáu d'esta mañana dio de pasu un Conveniu de collaboración, por importe de 89.600 euros (14,9 millones de pesetes), col Conseyu Superior d'Investigaciones Científiques (CSIC) pal desarrollu del "Proyectu d'investigación sobre caracterización molecular de la población de faisán montés nel Principáu d'Asturies".

El conveniu espeya que se faigan una riestra d'estudios y actividaes rellacionaes con delles especies amenazaes y en concreto d'un estudiu xenéticu de la población de faisan montés col oxetivu de sentar les bases científiques que permitan estimar el númberu d'individuos esistentes na población asturiana de la especie, conocer la proporción de sexos, analizar la variabilidad xenético y asina poder afitar el grau d'endogamia de la población.

El conveniu marca un plazu de 24 meses con posibilidá de prórroga