Contaminación en Trubia

Ecoloxistes n'Acción d'Asturies denunció esta selmana que los vecinos de Trubia sufren niveles de de contaminación por partícules que pasen con muncho del tope qu'apauta la llei.

Según el colectivu ecoloxista, los responsables d'esta suelta masivo d'axentes contaminantes son les industries que s'asitien na redolada del pueblu, rescamplando ente elles la planta de cok que tien Industrias Doy.

La organización ecoloxista apurre datos de la Conseyería de Mediu Ambiente que demuestren que, sobre una midición de 50 díes pasóse del tope diariu 14 vegaes, llegando dacuando a marcar los mididores163 ug/m3, cerca del triple del máximu de 60 ug/m3 qu'apauten la nueva Directiva de Calidá del Aire 96/62/CE y el RD.1073/2002. Les midiciones del Principáu ficiéronse ente abril y xunu, cuando la concentración de contaminantes tiende a baxar, colo que los datos del iviernu podríen ser peores, al entender d'Ecoloxistes n'Acción, qu'esplica que les partícules PM10 y PM 2,5 oxetu del estudiu entren mui fácil pa los pulmones y tienen rellación con munchos síntomes respiratorios y con dellos tipos de cáncanos