Concursu d'illustración infantil en Piloña

Dientro de lo que van ser, del 10 al 31 d'ochobre, les III Xornaes de Lliteratura Infantil en Llingua Asturiana del Conceyu de Piloña, que tolos años organiza Quique Carballeira, l'Ayuntamientu de Piloña, en collaboración cola Conseyería de Cultura del Principáu d'Asturies, convoca un concursu d'Illustración baxo'l títulu "I concursu d'illustración Sidronucu"


El concursu ye abiertu a xente de toa procedencia y con tema llibre nes illustraciones pero teniendo en cuenta que tienen de ser pa tolos públicos. Les illustraciones deberár ser en color, con técnica llibre, anque tendrán que dixitalizase pa mandales per corréu ellectrónicu, llendándose la participación a dos trabayos por concursante en tamañu de DIN A4 o más pequeña y dixitalizao en formatu JPG con un tamañu de 300 kbs p'abaxo a resolución de 300 puntos. El plazu pa mandar los trabayos fina'l día 20 d'ochobre de 2003, faciéndose coles illustraciones presentaes una esposición na Casa de Cultura Marqués de Vistalegre del Infiestu. Pola obra ganadora espera un premiu de 300 euros y diploma. Pa quien precise de más información, pue consultar nel corréu electrónicu xornaes@terra.es