Concursu de gaiteros en Llaviana

L'A.C Yesca de Pola Llaviana entama per segundu añu'l Concursu de gaita "Villa de Llaviana". El concursu va ser el próximu 19 de payares y a él puede apuntase tol que-y pete ensin llímite d'edá.

L'asociación cultural Yesca de Llaviana quier poner a preba otra vuelta les habilidaes y estilos de les gaites asturianes con un concursu. Ello ye que'l 19 de payares, na casa cultura de Pola Llaviana van competir dellos músicos p'algamar el primer premiu de 360 €, o conformase col segundu de 240 € o'l terceru de 120 €. Pa participar na competición hai que presentase con una gaita asturiana d'un solo roncón, en cualesquier de les sos trés modalidaes: grillera, redonda o tumbal, como piden les bases del certame. El concursu namás que va tener una fase, na que s'interpretarán dos pieces, una obligatoria: .Xiringüelu de Remis. y otra d'elección llibre, siempre que perteneza a la tradición asturiana.

El plazu p'apuntase fina'l día 17 de payares de 2005. Los concursantes que quieran participar, tienen qu'apurrir los siguientes datos personales: nome completu, teléfonu de contactu, dirección completa y fotocopia de DNI., unviándolos per corréu certificáu a: A.C. .YESCA. C/ Los Palomares, Nº 24, 2ºD, Pola de Llaviana, CP 33980, o tamién per vía telefónica nos teléfonos: 680545732 (José Alberto) o 615917685 (Toni).