Conciertu y concursu

D'equí a poco vamos poder ver un conciertu de "Llangres" en Xixón y un concursu de gaiteros solistes en L.luarca.

La cita más cercana que tenemos ye esti xueves día 27, cuando vamos poder ver a "Llangres" nel chigre "Ca Beleño"de Xixón, como siempre la entrada ye de baldre y la hora son les 22:00 hores. Los de la cuenca sigue presentando'l so primer cd en solitario "Stura", editáu por ellos mesmos y con soníu que va pel camín acústicu más contundente.

Per otru llau, El Centru Social de persones mayores de L.luarca y la banda de Gaites "La reina del Truébano" entamen el "Concursu de gaiteros solistes "Villa de L.luarca" el próximu sábadu 26 d'abril. Puen apuntase cualquier gaiteru o gaitera ensin llímite d'edá, anque si hai que participar col traxe tradicional asturianu y el tiempu máximu d'interpretación ye de 10 minutos. Les bases piden tocar dos pieces, una obligatoria que ye la muñeira de Remis y otra de llibre elección. Va puntuase, los datos del concursante, l'afinación, el tiempu, la estética, la dificultá y la orixinalidá. La rellación de premios ye, 1º 300 euros y troféu, 2º 150 euros y troféu, 3º 75 euros y troféu, 4º 50 euros y troféu, 5º 25 euros y troféu, y p'apuntáse namás hai que ponese en contacto cola organización enantes del día 21 nes señes Centru Social de Persones Mayores de L.luarca c/ Pilarín, s/n 33700 L.luarca teléfonu: 98 564 04 86.