Conceyu Abiertu por Villaviciosa presenta esti miércoles la so candidatura

Xandru Vega Acosta ye’l candidatu a l’alcaldía de Villaviciosa de Conceyu Abiertu de cara a les eleiciones. Esti miércoles, Vega, acompañáu de les persones que formen parte de la llista eleutoral, va presentar de manera oficial la so candidatura.
 
L’actu ta previstu pa les 20.30 hores nel Centru Cultural Capristano y nél tamién va dase a conocer el programa políticu de la formación pa Villaviciosa. Vega va tar acompañáu polos tres candidatos de Conceyu Abiertu a la Xunta Xeneral: Mariu Arbesú (central), Antón Fuertes (occidental) y Daniel Cueli (oriental).
 
Conceyu Abiertu, amás d’en Villaviciosa, tamién se presenta en otros ocho conceyos: Uviéu, Grau, Siero, Llangréu, Samartín del Rei Aurelio, Mieres y Noreña. Mentes, en Xixón, la formación nacionalista va integrada dientro de la coalición Conceyu d’Unidá Popular de Xixón, xunto a Izquierda Anticapitalista, Frente de la Izquierda y independientes. Javier Cubero, representante de Conceyu Abiertu na candidatura, ocupa’l númberu trés.