Conceyos asturianos contra la pena de muerte

Ocho conceyos asturianos decidieron amestase a la campaña mundial contra la pena de muerte, según dio anuncia ayeri la organización Amnistía Internacional, entidá que mueve la campaña n'Asturies. Cangas de Narcea, Carreño, Corvera, Grandas de Salime,
Llaviana,
Nava, Parres y La Ribera son los ocho conceyos qu'apautaron pidir oficialmente que se desanicie la pena másima de los códigos penales nos 83 estaos qu'entovía l'apliquen, ente los que tan dellos de los estaos con más población y con más pesu na economía mundial, casu d'Estaos Xuníos o China, amás d'Irán, Arabia Saudí
,Uzbekistán o Nixeria. En bien d'ellos, la pena másima aplícase-yos a persones que
nun teníen la mayoría d'edá cuando cometieron delitu.

Amnistía cuenta con que los demás conceyos asturianos s'amiesten a la campaña a lo llargo d'esti añu, y agradez los actos simbólicos en dellos llugares nos que se prendió l'alumbráu de dellos edificios importantes, casu del faru de Candás,que tuvo allumando tol mes d'avientu como símbolu contra la pena de muerte.