Come sano, carne asturiano

Dempués de pasar pela feria alemana d'agricultura y alimentación ecolóxico, onde tuvo un puestu oficial, el Gobiernu asturianu paez que quier tirar más pol desarrollu d'esta clase de producción. La investigación del Serviciu d'Investigación y Desarrollu Agrícola (Serida - Antiguu Ciata) sobre la viabilidá de la cría estensiva de ganáu de carne de raza asturiana, y la mayor demanda d'estos productos de calidá, los únicos nos que'l campu asturianu pue ser competivu, si se ponen los preseos necesarios, paez que-y abrió un poco los güeyos a l'alministración, que fexo una declaración d'intenciones nesti sentíu. Mediu Rural quier facer un plan d'agricultura ecolóxico, y el bon aquel espéyase güei nel web oficial del Principáu, pero habrá que ver si da tiempu a facer daqué nel añu y mediu que queda de llexislatura.