Cofiño considera que la identidá asturiana ye "ún de los elementos clave pal desendolcu d'Asturies"

El candidatu de Sumar defendió la cultura de la mazana en Nava nel XLVI Festival de la Sidra.

"Ún de los elementos claves pal desendolcu d'Asturies nos años próximos ye la identidá asturiana, teniendo en cuenta que ye un conceptu mui ampliu qu'inclúi patrimoniu, emplegu, industria, desarrollu turísticu, transición ecolóxica, la llingua y ún de los elementos que celebramos equí en Nava: la cultura de la mazana", apuntó'l sábadu Rafael Cofiño. Nesi sen, refirióse a tener una visión amplia qu'incluya, non sólo la gran producción de sidra, sinón también la de los pequeños productores llocales y los ecolóxicos, nun modelu que tamién pasa por fomentar industria, producción y emplegu nel sector "pa torgar la desllocalización".

D'igual manera, defendió la oportunidad que supón la cultura de la manzana pa "xenerar texíu social, una identidá, una cohesión asturiana, que ye un elementu clave pa lo que va ser el futuru". La gran fiesta sidrera de Nava celebróse ente'l vienres y ayeri, con un nuevu gran ésitu de participación y títulu de meyor sidra pa la Quelo DOP del llagar de Tiñana.

Na semeya, Cofiño, segundu pela izquierda, con compañeros de la coalición.