CCOO denuncia l'impagu d'hores estres nel Herrero

El sindicatu Comisiones Obreres denunció que'l Bancu Sabadell quier esmucir el pagu de 39.500 hores extraordinaries a los trabayadores del Banco Herrero. El 19 de mayu l'Herrero entamó a enxertase na rede informática del Sabadell, entidá que l'añu pasáu mercó l'históricu bancu asturianu. Esti procesu de cambeu de plataforma obligó a facer hores estraordinaries que'l bancu quier pagar con un ingresu estraordinariu de 120 euros a cada trabayador, cuando, al dicir del sindicatu, les 39.500 hores obliguen a la empresa a un desembolsu total de 1.254.000 euros.